इन्द्रेणीपोष्ट
काठमाडौँ, २० भदौः सङ्घीय संसद्को संसदीय सुनुवाइ समिति संयुक्त २०८० को बैठक आज बस्दैछ । बैठक कानुन, न्याय तथा मानवअधिकार समितिको हलमा दिउँसो ५ः१५ बजेका लागि तय गरिएको छ ।
समितिको आजको बैठकले सभापति चयनका सम्बन्धमा प्रक्रिया अघि बढाउने कार्यसूची तय गरेको छ । यसअघि समितिकी तत्कालीन सभापति ईश्वरीदेवी न्यौपानेले राजीनामा दिई राज्य व्यवस्था तथा सुशासन समितिको सभापति निर्वाचित भएपछि सुनुवाइ समितिको सभापति पद रिक्त भएको थियो ।
यसपटकको बैठकले सो रिक्त पद पूर्ति गर्ने प्रक्रिया सुरु गर्ने जनाइएको छ ।
शुक्रबार, भदौ २० गते २०८२
Sep 05 2025 Friday
