इन्द्रेणीपोष्ट
काठमाडौं । संस्कृति पर्यटन तथा नागरिक उड्डयन मन्त्रालयले त्रिभुवन विमानस्थल भन्सार कार्यालयमा लफडा परेका पर्यटन बोर्डका सीईओ धनञ्जय रेग्मीलाई कारबाही गर्ने तयारी गरेको छ ।
सीईओ रेग्मी र भन्सार कार्यालयका कुटपिट भएको भनिएका कर्मचारीसँगको सोधपुछपछि कारबाहीको तयारी गरिएको पर्यटनमन्त्री प्रेम आलेको सचिवालयले जनाएको छ ।
सचिवालयका एक अधिकारीले नेपालखबरसँग भने, ‘दुई जनासँग सोधपुछ गरिएको हो, यसमा कर्मचारीसँग भनाभन भएको भन्ने आएको छ । यदि हो भने कानुनी व्यवस्थाअनुसार कारबाही हुन्छ ।’
स्रोतका अनुसार सीईओ रेग्मीलाई निलम्बन वा बोर्ड सीईओको जिम्मेवारीबाट मुक्त गर्नेसम्मको तयारी छ ।
