इन्द्रेणीपोष्ट
उदयपुर । उदयपुरमा प्रहरीहरु सवार ट्रक दुर्घटना हुँदा २४ जना प्रहरी घाइते भएका छन् ।
प्रहरीको बा १ ग २१६८ नम्बरको वान टन ट्रक उदयपुरगढी गाउँपालिका ७ अँधेरी जोगीटोलमा दुर्घटना हुँदा २४ जना प्रहरी घाइते भएका जिल्ला प्रहरी कार्यालय उदयपुरका डीएसपी वेदप्रसाद गौतमले जानकारी दिए ।
कटारीबाट गाईघाट जाँदै गरेको ट्रक मदन भण्डारी लोकमार्गको गाईघाट नेपालटार खण्डमा शुक्रबार साँझ ८ बजे दुर्घटनामा परेको हो । ओरालोम ब्रेक फेल भएर ट्रक दुर्घटना भएको अनुमान गरिएको छ ।
घाइतेमध्ये तीन जनाको अवस्था गम्भीर छ । उनीहरुको विराटनगरस्थित नोबेल अस्पतालमा उपचार भइरहेको छ । थप १७ जना घाइतेको पनि नोबेलमै उपचार भइरहेको प्रहरीले जनाएको छ । घाइते चार जना प्रहरीको भने उपदपुरका विभिन्न अस्पतालमा उपचार भइरहेको छ ।
