इन्द्रेणीपोष्ट
काठमाडौं । कैलालीको लम्कीचुहा नगरपालिका १ का २३ वर्षीय भूपेन्द्र बडुवालको हत्यामा संलग्न भएको आरोप लागेका एक युवक धरानबाट पक्राउ परेका छन् ।
पक्राउ पर्नेमा लम्कीचुहा १ का चिसापानीका १९ वर्षीय मदन शाही रहेका छन् । शाहीलाई इलाका प्रहरी कार्यालय इटहरीको टोलीले धरानबाट पक्राउ गरेको हो ।
आइतबार बेलुका शाही धरान विजयपुरबाट पक्राउ परेको इलाका प्रहरी कार्यालय इटहरीले जनाएको छ । शाहीलाई कैलालीतर्फ पठाइएको इटहरीका प्रहरी नायब उपरीक्षक खगेन्द्रबहादुर खड्काले बताए ।
शाही सुनसरी आएको सूचना प्रहरीलाई आएको थियो । पछ्याउँदै जाँदा शाही विजयपुरमा पक्राउ परेको खड्काले बताए ।बडुवालको कात्तिक २३ गते राति एक समूहले टीकापुरमा लगेर हत्या गरेको थियो ।
