इन्द्रेणीपोष्ट
सोलुखुम्बु । जिल्लाको सदरमुकाम सल्लेरीमा आफ्नै बाबुले छोराछोरीमाथि एसिड प्रहार गरि घाइते बनाएका छन् । सोलुदुधकुण्ड नगरपालिका–५ वसन्त बजारका करिब ५५ वर्षीय मोहन बराइलीले छोराछोरी माथि एसिड प्रहार गरि घाइते बनाएको सोलुखुम्बु प्रहरीले जनाएको छ ।
सोमबार राति करिब ८:४० बजेको समयमा मादक पदार्थ सेवन गरेका बराइलीले २५ वर्षीय छोरा र १६ वर्षीया छोरी माथि एसिड प्रहार गरेको जिल्ला प्रहरी कार्यालय सोलुखुम्बुका प्रहरी निरीक्षक ऋषिराज ढकालले जानकारी दिए ।
प्रहरीका अनुसार एसिड प्रहार गर्ने बराईलीलाई नियन्त्रणमा लिएर अनुसन्धान भइरहेको छ भने छोरा र छोरीको जिल्ला अस्पताल फाप्लुमा उपचार भइरहेको छ । छोरीको अवस्था सामान्य रहेको तर छोराको अवस्था गम्भिर रहेको बताइएको छ ।
