इन्द्रेणीपोष्ट
काठमाडौं । नेकपा माओवादी केन्द्रले नेतृत्व चयनका लागि प्रदेश १ मा पनि निर्वाचन गर्ने भएको छ ।
प्रदेश नेतृत्व चयनमा सहमति नजुटेपछि माओवादी केन्द्रले आज निर्वाचन गरेर त्यसको टुंगो लगाउन लागेको हो ।
त्यसअघि माओवादी केन्द्र प्रदेश कमिटीको बैठक बस्दै छ । यसपछि अध्यक्षलगायत ९ जना पदाधिकारीका लागि निर्वाचन गरिने भएको हो ।
गत मंसिर २५–२६ को प्रथम प्रदेश सम्मेलनले २७१ सदस्यीय प्रदेश कमिटी घोषणा गरे पनि पदाधिकारीमा सहमति हुन नसकेको हो ।
नौ पदाधिकारीका लागि ४० जना आंकाक्षी छन् । कार्यदल बनाएरै सहमति गर्न प्रयास गरिए पनि हुन नसकेपछि चुनाव गर्न लागिएको हो ।
पार्टीको प्रदेश १ अध्यक्षमा हर्कबहादुर लावती, शिवकुमार डाँगी र मोक्साहाङ मेन्याङ्बो, ध्रुव बुढाथोकी, देवान चाम्लिङ, मोहनकुमार खत्रीलगायत दाबेदार छन् ।
