इन्द्रेणीपोष्ट
काठमाडौं । पाँच महिनाको अवधिमा १ हजार १ सय ४५ जना प्रहरी कारबाहीमा परेका छन् ।
तीन जना प्रहरी उपरीक्षक (एसपी) सहित १ हजार १ सय ४५ जनालाई कारबाही गरिएको नेपाल प्रहरीका प्रवक्ता एसएसपी वसन्त कुँवरले जानकारी दिए ।
कारबाहीमा पर्नेहरूमा सबैभन्दा धेरै प्रहरी जवान रहेका छन् । पाँच महिनाको अवधिमा ६ सय ७५ जना प्रहरी जवान रहेको छन् ।
त्यसपछि ३ सय ५ जना प्रहरी हवल्दार कारबाहीमा परेका छन् । प्रहरी उपरीक्षक माथिल्लो दर्जाका कुनै पनि प्रहरी यो पाँच महिनाको अवधिमा कारबाहीमा परेका छैनन् ।
४ जना प्रहरी नायव उपरीक्षक ९डिएसपी० कारबाहीमा परेका छन् । त्यसै गरी १२ जना प्रहरी निरीक्षक समेत कारबाहीमा परेको प्रवक्ता एसएसपी कुँवरले जानकारी दिए ।
४६ जना प्रहरी नायव निरीक्षक, ८६ जना प्रहरी सहायक निरीक्षक कारबाहीमा परेका हुन् । १४ जना कार्यालय सहयोगी पनि कारबाहीको भागिदार भएका छन् ।
