इन्द्रेणीपोष्ट
दमौली तनहुँ, ३२ असार । व्यास नगरपालिका –५ रानीटारीबाट म्याग्दे गाउँपालिका –४ घुम्ती जोड्ने नौ किलोमिटर सडक कालोपत्र गरिएको छ । कच्ची यो सडकलाई कालोपत्र गरी स्तरोन्नति गरिएको छ । यो सडकलाई पृथ्वीराजमार्गको वैकल्पिक मार्ग बनाउने लक्ष्य राखिएको छ ।
पूर्वाधार विकास कार्यालयका प्रमुख रवीन्द्र तिवारीका अनुसार सम्पन्न गर्ने समय भन्दा एक वर्ष अगावै सडक कालोपत्र भएको छ । कार्यालयले रु ३६ करोड ६२ लाख ९१ हजारमा सडक स्तरोन्नतिको सम्झौता गरेको थियो ।
रानीटारीबाट घुम्तीसम्मको दूरी ९.२ किलोमिटर छ । त्यसमध्ये ७.३ किलोमिटर अल्स्फाट प्रविधिबाट कालोपत्र गरिएको छ भने १.९ किलोमिटर ढलान गरिएको छ ।
बिहीबार , साउन १ गते २०८२
Jul 17 2025 Thursday
