इन्द्रेणीपोष्ट
काठमाडौं । खरिद गरिए पनि आउन बाँकी १० लाख डोज कोभिसिल्ड खोप आइपुगेको छ । भारतको सेरम इन्स्टिच्युट अफ इन्डियासँग खरिद गरेको झण्डै साढे सात महिनापछि खोप आज आइपुगेको हो ।
खोप दिउँसो साढे २ बजे काठमाडौं आइपुगेको हो ।
नेपालले गत ५ फागुनमा सेरमसँग प्रतिडोज ४ डलरका दरले २० लाख डोज खोप खरिद गर्ने सम्झौता गरेको थियो । सम्झौताअनुसार १० लाख डोज त्यसै वेला आए पनि १० लाख डोज आउन बाँकी थियो । समयमै खोप नआउँदा झण्डै पहिलो डोज लगाएका ज्येष्ठ नागरिकसहित झण्डै १३ लाख व्यक्ति समयमै दोस्रो डोज लगाउनबाट वञ्चित भएका थिए ।
यसअघि भारत सरकारले सेरमबाट उत्पादित १० लाख डोज कोभिसिल्ड खोप उपलब्ध गराएको थियो। त्यसलगत्तै भारतीय सेनाले नेपाली सेनालाई उपहार स्वरूप १ लाख डोज कोभिसिल्ड पठाएको थियो ।
त्यसपछि कोभ्याक्स सुविधामार्फत आएको ३ लाख ४८ हजार र खरिद गरेको २० लाखमध्ये १० लाख गरी कुल २४ लाख ४८ हजार डोज कोभिसिल्ड खोप नेपाल आइसकेको छ ।
