इन्द्रेणीपोष्ट
काठमाडौं । सरकारले तत्कालीन मध्यमाञ्चल क्षेत्रीय स्वास्थ्य निर्देशनालय हेटौंडाका शाखा अधिकृत बासुदेव गजुरेललाई सेवाबाट बर्खास्त गरिएको छ ।
किर्ते कागजात बनाएर १४ जना स्वास्थ्यकर्मीलाई सरुवा गरेको कसुरमा भविष्यमा सरकारी सेवाका निमित्त अयोग्य ठहरिने गरी सरकारले उनलाई सेवाबाट बर्खास्त गरेको हो । स्वास्थ्य तथा जनसंख्या मन्त्रालयले एक सूचना जारी गरी गजुरेललाई सेवाबाट बर्खास्त गरिएको जनाएको छ ।
जिल्ला अदालत मकवानपुरले २०७५ पुस १९ मा उनलाई दोषी ठहर गर्दै दुई वर्ष कैद र ५० हजार रुपैयाँ जरिवाना सुनाएको थियो । उक्त फैसलापछि गजुरेल फरार थिए ।
