इन्द्रेणीपोष्ट
काठमाडौं । नेपालमा पछिल्लो २४ घण्टामा १ हजार १६७ जनामा कोरोना भाइरस १९० को संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार देशभरमा १२ हजार ६३२ नमूना परीक्षण गर्दा उनीहरुमा संक्रमण पुष्टि भएको हो ।
संक्रमितमध्ये ६१५ जना काठमाडौं उपत्यकाका छन् । काठमाडौंमा ४९१, ललितपुरमा ९९ र भक्तपुरमा २५ जना संक्रमित थपिएका छन् । मन्त्रालयकी प्रवक्ता संगीता मिश्रका अनुसार पीसीआर परीक्षणमा औसतमा संक्रमणदर ९.५ प्रतिशत पुगेको छ ।
पछिल्लो २४ घण्टामा २२४ जना संक्रमित निको हुँदा २ जनाले ज्यान गुमाएका छन् । हाल देशभर ६ हजार ७५५ जना सक्रिय संक्रमित छन् ।
