इन्द्रेणीपोष्ट
काठमाण्डौ । प्रदेश(२ को नामाकरण र स्थायी राजधानी तोक्नको मतदान जारी छ ।
दलीय सहमति खोज्न बनेको अध्ययन विशेष संसदीय समिति सहमति जुटाउन असफल भएपछि नाम र राजधानी तोक्ने प्रदेश २ निर्वाचन प्रक्रियामा गएको छ ।
प्रदेशको नामाकरणका लागि चार वटा प्रस्ताव दर्ता भएको छ । सत्तारुढ जसपा र माओवादी तथा विपक्षी दल लोसपाले मधेश तथा काँग्रेसले मिथिला भोजपुरा प्रस्ताव गरेका छन् ।
एमाले र एकीकृत समाजवादीले जानकी नाम प्रस्ताव गरेका छन् । यस्तै राजधानीका लागि जनकपुरधाम र वीरगञ्जको प्रस्ताव दर्ता भएको छ ।
आआफ्नो अडान राख्दै आएका कुनै पनि दलसँग दुई तिहाइ छैन । कुल १ सय ४ सांसद रहेको प्रदेशमा जसपाको ३९, कांग्रेसको १९, लोसपाको १६, एकीकृत समाजवादीको १३, माओवादीको ८, एमालेको ८ र नेपाल सङ्घीय समाजवादी पार्टीको १ जना सांसद छन् ।
राजधानी र नाम पारित गराउन दुई तिहाइ बहुमत अर्थात ७० सांसद चाहिन्छ ।
![मधेस प्रदेशमा फेरि मन्त्रिपरिषद् पुनर्गठन, कुन दलबाट को-को मन्त्री बने ? [दल र नामावलीसहित]](https://media.sobizcdn.com/indrenipost.com/media-file/images/2024/03/1711197087-ZGv4H-thumb.jpg)
