इन्द्रेणीपोष्ट
वीरगन्ज । नेकपा (एकीकृत समाजवादी)का अध्यक्ष माधव कुमार नेपालले एमसीसीलाई अहिलेकै यथास्थितिमा समर्थन नगरिने बताएका छन् ।
वीरगन्जमा शुक्रबार समाजवादी प्रेस संगठन पर्साले आयोजना गरेको पत्रकार सम्मेलनमा बोल्दै पूर्वप्रधानमन्त्रीसमेत रहेका नेता नेपालले भने, ‘अहिलेकै यथास्थितिमा एमसीसीलाई आँखा चिम्लेर समर्थन गर्न सकिदैन, यो हाम्रो प्रष्ट धारणा हो ।
एमसीसीबारे सहमति नजुटे सत्तागठबन्धन नै टुट्ने आशंका चलिररहेका बेला सत्तागठबन्धनकै मुख्य घटक नेकपा एसका अध्यक्ष नेपालले भने, ‘एमसीसी बारेमा कुरा मिलेन भने गठबन्धन टुट्छ भन्ने आशंका पनि गरिएको छ, गठबन्धन टुटीसके पछि चुनावमासंगै नजाने पो हो कि ? भन्ने प्रश्न पनि उठेको छ, तर यी सबै चुनौतीको सामना गर्न हामी तयार छौँ ।
तर अहिलेका गठबन्धनका दलहरु एक्लै चुनावमा जाँदा आफ्नो हैसियत के हुने भन्ने विषयमा जानकार रहेको पनि उनले बताए ।
त्यस कारण सत्तागठबन्धनका दलहरु एमसीसीबारे कसरी निष्कर्षमा पुग्ने बोरमा छलफलमा रहेको भन्दै नेपालले भने, ‘हेरौ अब के हुन्छ ? तर संशोधन बिना आफूहरुले एमसीसीलाई समर्थन नगरिने उनले प्रष्ट पारे ।
![मधेस प्रदेशमा फेरि मन्त्रिपरिषद् पुनर्गठन, कुन दलबाट को-को मन्त्री बने ? [दल र नामावलीसहित]](https://media.sobizcdn.com/indrenipost.com/media-file/images/2024/03/1711197087-ZGv4H-thumb.jpg)
