इन्द्रेणीपोष्ट
काठमाडौं । काठमाडौं महानगरपालिकाले आजदेखि महानगरभित्र सुर्तीजन्य पदार्थ बेचबिखनमा प्रतिबन्ध लगाएको छ ।
सर्वसाधारणको स्वास्थ्यमा प्रतिकुल असर परेको, प्रदूषण र सहरमा बढ्दो दृश्य प्रदूषण रोक्न यस्तो निर्णय गरेको महानगरले जनाइसकेको छ ।
महानगरपालिकाले बुधवार सम्मेलन गरेर आजदेखि काठमाडौंभित्र सुर्तीजन्य पदार्थ कच्चा सुर्ती, खैनी, गुट्टका, सुर्तीहरू प्रतिबन्ध गरिएको जानकारी दिएको हो ।
पत्रकार सम्मेलनमा काठमाडौं महानगरपालिकाका प्रवक्ता नविन मानन्धरले मङ्सिर २८ गतेदेखि काठमाडौंभित्र सुर्तीजन्य पदार्थ प्रतिबन्ध गरिएको बताए ।
उनले मङ्सिर २८ गतेपछि काठमाडौंमा सुर्तीजन्य पदार्थ बेच्न नपाइने र बेचेको थाहा पाए पसल समेत बन्द गर्ने बताए ।
