इन्द्रेणीपोष्ट
काठमाडौं । रुकुम पश्चिममा मोटरसाइकल दुर्घटनामा परी एक जनाको मृत्यु भएको छ । आज (आइतबार) बिहान २ बजे चौरजहारी नगरपालिका–१ लामिछानेगाउँका ३२ वर्षीय चिरन्जिवी लामिछानेको मृत्यु भएको हो ।
चौरजहारीबाट घरतर्फ फर्किँदै गर्दा लामिछानेले चलाएको कर्णाली प्रदेश ०३–००१ प ०४७३ नम्बरको मोटरसाईकल अनियन्त्रित भई दुर्घटना भएको जिल्ला प्रहरी कार्यालय रुकुम पश्चिम प्रहरी नायब उपरिक्षक प्रमेश बिष्टले जानकारी दिए ।
मृतक लामिछाने कर्णाली प्रदेश मार्शल आर्ट गेम्स महासंघ तदर्श समितिको सदस्य थिए । उनको मृत्युले गाउँ शोकमग्न बनेको छ ।
मृतकको शव पोष्टमार्टमका लागि जिल्ला अस्पताल सल्ले लगिएको प्रहरीले जनाएको छ ।
