इन्द्रेणीपोष्ट
काठमाडौं। नेकपा माओवादी केन्द्रका सांसदले गत सोमबार राती समातिएको २५ करोड रूपैयाँको उचित छानबिनको माग गरेका छन् । प्रमुख प्रतिपक्ष दल नेकपा माओवादी केन्द्रले केरूङतर्फ जाँदै गरेको मालबहाक ट्रकबाट २५ करोड रुपैयाँ अवैध रकम बरामद भएको विषयमा छानबिनका लागि विशेष समिति बनाउन माग गरेको हो ।
बुधबार प्रतिनिधिसभा बैठकमा माओवादीका सांसद माधव सापकोटाले घटनाको छानबिनका लागि समिति बनाउन माग गरेका हुन् । ‘यस घटनाबारे विशेष प्रकारको छानबिन समिति निर्माण गरियोस् । यस घटनाामा संलग्न रहेका उच्च तहका नेता, कर्मचारी जो हुन्, कानुनी दायरामा ल्याउन जोडदार माग गर्दछु,’ उनले भने । काठमाडौं उपत्यका अपराध अनुसन्धान कार्यालयले सोमबार राति काठमाडौंको झोर क्षेत्रबाट २५ करोड रुपैयाँबराबरको विदेशी मुद्रासहित सिन्धुपाल्चोकका ४३ वर्षीय फुच्चे भनिने कुसाङ लामालाई पक्राउ गरेको थियो ।
उक्त रकममा माओवादी नेताहरु जोडिएको राजा ल्याउने अभियानमा लागेका दुर्गा प्रसाईले आरोप लगाएका छन् । उक्त विषयमा खण्डन गर्दै माओवादी नेताहरुले निष्पक्ष छानबिन गर्न समिति बनाउन माग गरेका हुन् ।
