इन्द्रेणीपोष्ट
धरान सुनसरी, ७ साउनः सुनसरीको देवानगञ्ज गाउँपालिका – २ मा आज बिहान घरायसी विवादका क्रममा छोराको छुरा प्रहारबाट बुबाको ज्यान गएको छ ।
६० वर्षीय सचिव अंसारीलाई उनका आफ्नै छोरा मोहम्मद रियाज अंसारीले जग्गा सम्बन्धी विवादका क्रममा छाती र ढाडमा छुरा प्रहार गरेका थिए । गम्भीर घाइते भएको अवस्थामै अंसारीलाई विराटनगर स्थित गोल्डेन अस्पताल पुर्याइएको थियो । तर उपचारका क्रममा उनको मृत्यु भएको जिल्ला प्रहरी कार्यालय सुनसरीका प्रहरी उपरीक्षक सुमनकुमार तिमल्सिनाले जानकारी दिएका छन ।
छुरा प्रहार गर्ने मोहम्मद रियाजलाई प्रहरीले नियन्त्रणमा लिएको छ र घटना सम्बन्धी थप अनुसन्धान भइरहेको प्रहरीले जनाएको छ ।
