इन्द्रेणीपोष्ट
काठमाडौँ, ८ साउनः प्रतिनिधिसभाको आजको बैठक अपराह्न १ः०० बजे सङ्घीय संसद् भवन नयाँ बानेश्वरमा बस्नेछ । बैठकको कार्यसूचीमा दुई महत्वपूर्ण विधेयक प्रस्तुत हुने छन् ।
महिला, बालबालिका तथा ज्येष्ठ नागरिकमन्त्री नवलकिशोर साह सुडीले ‘मानव बेचबिखन तथा ओसारपसार नियन्त्रण पहिलो संशोधन विधेयक, २०८१’ माथि विचार गरियोस् भन्ने प्रस्ताव संसद्मा प्रस्तुत गर्नेछन् ।
त्यस्तै, शिक्षा, विज्ञान तथा प्रविधिमन्त्री रघुजी पन्तले ‘राष्ट्रिय सभामा उत्पत्ति भएको तिलगङ्गा नेत्र विश्वविद्यालय विधेयक, २०८१’ माथि विचार गरियोस् भन्ने प्रस्ताव प्रस्तुत गर्ने कार्यसूचि रहेको छ ।
आजै प्रतिनिधिसभा र राष्ट्रियसभा अन्तर्गत तीन वटा संसदीय समितिका बैठकहरू बस्नेछन् ।
अन्तरराष्ट्रिय सम्बन्ध र पर्यटन समितिमा नेपाल हवाई सेवा प्राधिकरण विधेयक, २०८१ सम्बन्धी संशोधनकर्तासँग छलफल हुनेछ ।
विधायन व्यवस्थापन समितिमा जलस्रोत विधेयक, २०८१ माथि दफावार छलफल हुने कार्यसूची छ ।
सार्वजनिक नीति तथा प्रत्यायोजित विधायन समितिमा राष्ट्रिय निकुञ्जसम्बन्धी प्रतिवेदन माथि छलफल र पारित गर्ने प्रक्रिया अघि बढाइनेछ ।
आजको बैठक विधेयक प्रस्तुतिसँगै विधायन प्रक्रियामा अगाडि बढ्ने तयारीमा रहेको छ ।
आइतबार, साउन १८ गते २०८२
Aug 03 2025 Sunday
