इन्द्रेणीपोष्ट
सिरहा, ९ साउन – सिरहाको गोलबजार नगरपालिका–३ स्थित मुसहर्नियाँमा बिहीबार साँझ घरायसी विवादका क्रममा भाइको खुकुरी प्रहारबाट दाइको मृत्यु भएको छ ।
२५ वर्षीय श्याम सदाले झगडा छुट्याउन आएका आफ्ना ३५ वर्षीय दाइ मोतीराम सदामाथि खुकुरी प्रहार गर्दा गम्भीर घाइते भएका थिए । छातीमा गहिरो चोट लागेका मोतीरामलाई उपचारका लागि तत्काल लहानस्थित प्रादेशिक अस्पताल लगिएको भए पनि चिकित्सकले उनलाई मृत घोषणा गरेका हुन् ।
इलाका प्रहरी कार्यालय गोलबजारका प्रहरी निरीक्षक गोविन्दप्रसाद साहका अनुसार घटनापछि श्याम फरार भएका छन् र उनको खोजी कार्य तीव्र पारिएको छ । मृतकको शव पोस्टमार्टमका लागि अस्पतालमा राखिएको छ भने प्रहरीले घटनाको विस्तृत अनुसन्धान अघि बढाएको जनाएको छ ।
आइतबार, साउन १८ गते २०८२
Aug 03 2025 Sunday
