इन्द्रेणीपोष्ट
काठमाडौँ, १ भदौः संयुक्त अरब इमिरेट्स युएई सरकारले विभिन्न कसुरमा जेल सजाय भोगिरहेका एक सय २० नेपालीलाई आममाफी दिएको छ ।
नेपाली राजदूतावास अबुधावीका अनुसार उनीहरूको बाँकी कैद सजाय माफी दिइएको हो । यस निर्णयले लामो समयदेखि जेलमा रहेका नेपालीलाई स्वदेश फर्कन सहज हुने अपेक्षा गरिएको छ ।
दूतावासले जनाएको छ कि इस्लाम धर्मावलम्बीहरूको महान् पर्व अल अहाद इद उल अधा को अवसरमा युएई सरकारले यस्तो निर्णय लिएको हो । यसअघि पनि सो पर्वका अवसरमा विभिन्न मुलुकका नागरिकलाई सजाय माफी दिने प्रचलन रहेको दूतावासले स्मरण गराएको छ ।
यस आममाफी बाट जेलमा रहेका नेपाली परिवारमा खुसी थपिएको छ भने कामदारमैत्री नीतिका कारण युएई सरकारले नेपाली समुदायप्रति देखाएको सद्भावका रूपमा पनि यसलाई हेरिएको छ ।
आइतबार, भदौ १ गते २०८२
Aug 17 2025 Sunday
