इन्द्रेणीपोष्ट
काठमाडौं । बागमती प्रदेशका नवनियुक्त मुख्यमन्त्री राजेन्द्र पाण्डेले बिहीबार पद तथा गोपनीयताको शपथ लिएका छन् । वाग्मती प्रदेश प्रमुखको कार्यालय हेटौँडामा उनले प्रदेश प्रमुख यादवचन्द्र शर्माबाट शपथ लिएका हुन् ।
मुख्यमन्त्री पाण्डेसँगै भौतिक पूर्वाधारमन्त्रीको रूपमा नेपाली कांग्रेसका कृष्णलाल भँडेलले पनि शपथ लिएका छन् । यस्तै, अर्थमन्त्रीको रूपमा नेकपा ९माओवादी केन्द्र०की कुमारी मोक्तान र सामाजिक विकासमन्त्रीको रूपमा नेकपा (एकीकृत समाजवादी)का कृष्ण खनालले शपथ पनि लिए ।
बुधबार मुख्यमन्त्री पदबाट अष्टलक्ष्मी शाक्यले राजीनामा दिएसँगै नयाँ सरकार गठनको बाटो खुलेको थियो । नेकपा (माओवादी केन्द्र), नेपाली कांग्रेस तथा नेकपा (एकीकृत समाजवादी) पार्टीको समर्थनमा पाण्डे मुख्यमन्त्री बनेका हुन् ।
पाण्डेलाई गठबन्धनमा आबद्ध दलहरूका ५९ सांसदको समर्थन छ । वाग्मती प्रदेशसभामा १०९ सदस्य छन् । सरकार बनाउन ५५ सांसद आवश्यक पर्छ ।
