काठमाडौं । वाग्मती प्रदेशका मुख्यमन्त्री राजेन्द्रप्रसाद पाण्डेले विश्वासको मत पाएका छन् । आइतबार प्रदेश सभाको बैठकमा भएको मतदानमा उनले विश्वासको मत पाएका हुन् ।
विश्वासको पक्षमा ५९ मत र विपक्षमा ४३ मत परेको हो । प्रदेश सभाका दुई सदस्य तटस्थ बसेका थिए । प्रदेशसभाको १०९ सदस्यमध्ये आजको बैठकमा १०४ जना उपस्थित थिए ।
तत्कालीन मुख्यमन्त्री अष्टलक्ष्मी शाक्यले पदबाट राजीनामा दिएपछि पाण्डे असोज ११ गते मुख्यमन्त्रीमा नियुक्त भएका थिए । उनलाई गठबन्धनको समर्थनमा मुख्यमन्त्री बनेका हुन् ।
© 2025 All right reserved to indrenipost.com | Site By : Sobij
