इन्द्रेणीपोष्ट
मुगु । मुगु सदरमुकाम गमगढीमा सोमबार राति भीषण आगलागी भएको छ। जसमा जलेर २१ वटा घर नष्ट भएका छन् ।
राति साढे १२ बजेदेखि अचानक आगलागी सुरु भएको मुगुका प्रमख जिल्ला अधिकारी रोमबहादुर महतले जानकारी दिए ।
‘आगो अन्य घरमा नफैलियोस् भनेर केही घर भत्काइएको छ,’ प्रजिअ महतले मंगलबार बिहान भने, ‘पसलै पसल रहेका २१ घर जलेका छन् । आगो अझै पूर्ण रुपमा नियन्त्रणमा आइसकेको छैन । जलेका घरहरुमा अझै आगो बलिरहेको छ ।
अन्य घरमा आगो फैलिनबाट भने हामीले रोकेका छौँ ।’
स्थानीय खिन्ने लामाको पूजाकोठामा बालिएको बिजुली बत्तीबाट आगलागी सुरु भएको प्रजिअ महतले बताए ।
