इन्द्रेणीपोष्ट
सुर्खेत । नेकपा (माओवादी केन्द्र) कर्णालीको प्रथम प्रदेश सम्मेलन प्रदेश कमिटी घोषणा भएको छ ।
गत शनिबारदेखि सुरु भएको समेलने नेतृत्व चयनमा सकस भएपछि दुई दिन ढिला गरी हिजो (मंगलबार) साँझमात्र सदस्य मात्र चयन गरी सम्पन्न भएको हो ।
माओवादी केन्द्रले २११ सदस्यीय प्रदेश कमिटी घोषणा गरि पदाधिकारीमा भने अझै सहमति हुन नसकेको उसले जनाएको छ ।
घोषित प्रदेश सदस्यबाटै अध्यक्ष, उपाध्यक्ष, सचिव, सहसचिव र कोषाध्यक्ष सहितका ९ पदाधिकारी चयनका लागि नवनिर्वाचित सदस्यहरूको बैठक बसिरहेको जनाइएको छ ।
निर्वाचन मण्डलका अनुसार रुकुम पश्चिमबाट ३२, सल्यानबाट २९, कालीकोटबाट २९, जाजरकोटबाट २६, सुर्खेतबाट २१, जुम्लाबाट १८, हुम्लाबाट १८, दैलेखबाट १७, डोल्पाबाट ११ र मुगुबाट १० गरी २ सय ११ जना प्रदेश सदस्यमा चयन भएका हुन् ।
माओवादी केन्द्रले प्रदेश समितिमा महिला ३५, दलित २५, युवा २० र अल्पसंख्यक पाँच प्रतिशत समेट्ने गरी विधान निर्माण गरेको जनाएको छ ।
-तस्बिर : पूर्ण समीर ।
