इन्द्रेणीपोष्ट
काठमाडौं । नेकपा (माओवादी केन्द्र)को राजधानीमा जारी महाधिवेशनले पार्टीको अध्यक्षसहित केन्द्रीय समितिमात्रै चुन्ने भएको छ ।
माओवादी केन्द्रको आठौं महाधिवेशनले अध्यक्षमा प्रचण्डलाई नै पुनः चयन गर्ने निश्चित छ । अहिलेसम्म अध्यक्षमा कसैले दावी गरेको छैन र प्रचण्डलाई पार्टीलाई अलपत्र पारेर बीचमै नेतृत्व छाड्न नपाइने भन्दै नेता कार्यकर्ताहरुले दबाबसमेत बढाउँदै आएका छन् ।
‘महाधिवेशनले अध्यक्षसहित केन्द्रीय सदस्यहरुमात्रै चुन्नेछ’, एक नेताले भने, ‘महाधिवेशनमाट चुनिएको केन्द्रीय समितिले बाँकी पदाधिकारीहरु टुंग्याउने छ ।’
महाधिवेशनमा प्रस्तावित विधानले माओवादीमा १५ पदाधिकारी रहने व्यवस्था गरिएको छ । जसमा अध्यक्ष एक, एकजना वरिष्ठसहित सात उपाध्यक्ष, एक महासचिव, दुई उपमहासचिव, तीन सचिव र एक कोषाध्यक्ष गरी १५ पदाधिकारी रहने विधान प्रस्ताव गरिएको हो ।
