इन्द्रेणीपोष्ट
काठमाडौं । नेपालमा थप छ हजार ४६२ जनामा कोरोना संक्रमण पुष्टि भएको छ ।
पछिल्लो २४ घण्टामा पीसीआर र एन्टिजेन विधिमार्फत् १७ हजार ४३७ नमूनाको परीक्षण गर्दा छ हजार ४६२ जनामा संक्रमण पुष्टि भएको स्वास्थ्य तथा जनसंख्या मन्त्रालयले जानकारी दिएको छ ।
मन्त्रालयका अनुसार गत २४ घण्टामा १३ हजार ३७७ नमूनाको पीसीआर र चार हजार ६० नमूनाको एन्टिजेन परीक्षण गरिएको थियो ।
पीसीआर परीक्षणबाट पाँच हजार ५९८ र एन्टिजेन परीक्षणबाट ८६४ जनामा संक्रमण पुष्टि भएको हो ।
मन्त्रालयका अनुसार गत २४ घण्टामा देशभर गरी चार जना कोरोना संक्रमितको मृत्यु भएको छ । यससँगै कोरोना संक्रमणबाट हालसम्म मृत्यु हुनेको संख्या ११ हजार ६५५ पुगेको मन्त्रालयले जानकारी दिएको छ ।
यस्तै, पछिल्लो २४ घण्टामा एक हजार ४१६ जना कोरोना संक्रमणबाट मुक्त ९निको० भएका छन् ।
मन्त्रालयका अनुसार हाल देशभर कोरोना भाइरसका सक्रिय संक्रमितको संख्या ७७ हजार ४० पुगेको छ ।
