इन्द्रेणीपोष्ट
जाजरकोट । सत्ता गठबन्धन दलहरूले स्थानीय तह निर्वाचनमा गठबन्धन गरेर जाने निर्णयको स्वागत गरेका छन् ।
पूर्वगृहमन्त्री तथा प्रतिनिधिसभा सदस्य शक्तिबहादुर बस्नेतको गृहजिल्ला जाजरकोटमा गठबन्धनका दलहरूले उक्त निर्णयको स्वागत गरेका हुन् ।
आइतबार जिल्ला सदरमुकाम खलंगास्थित नेपाली कांग्रेसको कार्यालयमा बसेको जिल्लास्तरीय गठबन्धनको बैठकले गठबन्धनले केन्द्रमा गरेको निर्णयको स्वागत गर्ने निर्णय गरेको नेकपा (एकीकृत समाजवादी)का जिल्ला अध्यक्ष कमानबहादुर खड्काले जानकारी दिए ।
यसका साथै सत्ता गठबन्धनमा रहेका दलहरूले चुनावी तालमेलविरुद्ध अभिव्यक्ति नदिने निर्णय गरेका छन् ।
निर्वाचनका सवालमा निरन्तर छलफल जारी राख्ने र निर्वाचनसम्म गठबन्धनलाई प्रभाव पार्ने खालका कुनै पनि विचार अभिव्यक्तिसमेत कसैले अभिव्यक्त नगर्ने निर्णय गरिएको अध्यक्ष खड्काले बताए ।
जाजरकोटमा चार दल नेपाली कांग्रेस, नेकपा (माओवादी केन्द्र), नेकपा (एकीकृत समाजवादी) र जनता समाजवदी पार्टी (जसपा)बीच चुनावी गठबन्धन हुने भएको छ ।
हेर्नुहोस्, संयुक्त वक्तव्य :
