इन्द्रेणीपोष्ट
![अपडेट : पाल्पा जिप दुर्घटना- ज्यान गुमाउनेको संख्या १० पुग्यो, ८ जनाको पहिचान [नामावलीसहित]](https://media.sobizcdn.com/indrenipost.com/media-file/images/2024/02/1707874153-AcEZb.jpg)
काठमाडौं । पाल्पा जिप दुर्घटनामा ज्यान गुमाउनेको संख्या १० पुगेको छ । लुम्बिनी मेडिकल कलेजमा उपचारको क्रममा दुई जनाको निधन भएसँगै मृतकको संख्या १० पुगेको हो ।
मंगलबार अपराह्न डुम्रेबाट शिखरडाँडा जाँदै गरेको लु१ज २३७१ नम्बरको जिप दुर्घटना हुँदा घटनास्थलमै आठ जनाको मृत्यु भएको थियो । अहिलेसम्म घटनास्थलमा ज्यान गुमाएकामध्ये ६ जना र अस्पतालमा ज्यान गुमाएका दुई गरी आठ जनाको पहिचान भएको हो ।
उपचारका क्रममा २० वर्षीया गीता सुनार र ६६ वर्षीया विष्णुकला कामीको निधन भएको हो । प्रहरीका अनुसार दुर्घटनास्थलमा ६० वर्षीया यमकुमारी पन्त, ३९ वर्षीय रामबहादुर अस्लामी, ६७ वर्षीय कृष्णबहादुर अस्लामी, २८ वर्षीया उर्मिला अस्लामी, चन्द्र रणपाल र उनकी श्रीमती चुना रणपालको पहिचान खुलेको हो ।
