इन्द्रेणीपोष्ट
काठमाडौं । काठमाडौंमा नगद र सुनसहित सात जना पक्राउ परेका छन् । उनीहरूलाई आज (शुक्रबार) प्रहरीले पत्रकार सम्मलेलनको आयोजना गरी सार्वजनिक गरेको छ ।
डेढ किलोभन्दा केही बढी सुन र झन्डै डेढ करोड रुपैयाँसहित चार नेपाली र तीन भारतीय नागरिकलाई पक्राउ गरेको उपत्यका अपराध अनुसन्धान कार्यालयले जनाएको छ ।
पक्राउ पर्नेमा दार्चुलाको महाकाली नगरपालिका–३, टाँटे बस्ने वर्ष ४७ का गणेश दत्त बडु, झापा बिर्तामोड नपा–३ का ३० वर्षीय दिनेश खरेल, दार्चुला टाटे नपा–३ का २१ वर्षीय आयुष बहु र झापा बिर्तामोड–३ का २२ वर्षीय भातराज खोल छन् ।
त्यस्तै तीन भारतीय नागरिकमा भारत महाराष्ट्र सांगली आटपाडी थाना ठेगानाका ३७ वर्षीय अमोल विभूत, सोही ठेगानाका १८ वर्षीय ऋषिकेश प्रकाश विभूते र १८ वर्षीय गणेश सतिश वाल्टे छन् ।
उनीहरूको साथबाट १७६८.२५ ग्राम सुन र १ करोड ४३ लाख ६० हजार रुपैयाँ बरामद भएको प्रहरीले जनाएको छ । घटनाबारे प्रहरीले थप अनुसन्धान गरिरहेको जनाएको छ ।
