इन्द्रेणीपोष्ट
गुल्मी, १५ साउनः गुल्मीको कालीगण्डकी गाउँपालिकास्थित गरगरे र मुल्कमा आज बिहान ठूलो चट्टानसहितको पहिरो खस्दा कालीगण्डकी सडक पूर्ण रुपमा अवरुद्ध भएको छ ।
सडक अवरुद्ध भएपछि स्थानीय आवागमन ठप्प भएको छ । पहिरो खसेको सूचना प्राप्त हुनासाथ प्रहरीचौकी पुर्तीघाटबाट सुरक्षाकर्मी खटाइएको जिल्ला प्रहरी कार्यालयका सूचना अधिकारी गङ्गाबहादुर सारुले जानकारी दिएका छन ।
हाल पहिरो पन्छाउने कार्य जारी रहेको प्रहरीले जानकारी दिएको छ ।
शनिबार, साउन १७ गते २०८२
Aug 02 2025 Saturday
