इन्द्रेणीपोष्ट
बागलुङको जैमिनि नगरपालिका–१ कुस्मि सेरामा आगामी ११ गते चौथो जैमिनि ब्याडमिन्टन कप आयोजना हुने भएको छ । प्रतियोगितामा धौलागिरी अञ्चल स्तरीय र बागलुङ जिल्ला स्तरीय ब्याडमिन्टन खेलहरू हुनेछन् ।
धौलागिरी अञ्चल स्तरीय प्रतियोगितामा दर्ता शुल्क रु ३,००० तोकिएको छ । यसमा प्रथम, द्वितीय र तृतीय स्थान विजेतालाई ट्रफी, मेडल र प्रमाणपत्र प्रदान गरिनेछ । बागलुङ जिल्ला स्तरीय डबल्स प्रतियोगितामा दर्ता शुल्क रु २,५०० हुनेछ । यसमा प्रथम पुरस्कार ट्रफी र मेडल, द्वितीय पुरस्कार रु १५,००० सहित ट्रफी, मेडल र प्रमाणपत्र तथा तृतीय पुरस्कार रु ७,००० सहित ट्रफी, मेडल र प्रमाणपत्र प्रदान गरिनेछ ।
खेलको मुख्य संयोजक दीपेन राई रहेका छन् भने सह–संयोजक बिजय थापा र अध्यक्ष खगेन्द्र बहादुर क्षेत्री रहेका छन् ।
प्रतियोगिता जैमिनि ब्याडमिन्टन संघ, सारा क्लब कुस्मि सेरा, जैमिनि–१ वडा कार्यालय र जैमिनि नगरपालिका खेलकुद विकास समितिको संयुक्त आयोजनामा हुनेछ ।
आयोजनाले स्थानीय खेलाडीहरूलाई आफ्नो प्रतिभा प्रदर्शन गर्ने अवसर प्रदान गर्दै ब्याडमिन्टन खेलको विकास र प्रोत्साहन गर्ने उद्देश्य राखेको छ ।
शुक्रबार, भदौ २० गते २०८२
Sep 05 2025 Friday
