इन्द्रेणीपोष्ट
काठमाडौँ, ५ साउन – नेपाल प्रहरीका ११ जना प्रहरी उपरीक्षक एसपीलाई प्रहरी वरिष्ठ उपरीक्षक एसएसपी पदमा बढुवा सिफारिस गरिएको छ।
गृह मन्त्रालय अन्तर्गतको बढुवा समिति सचिवालयको आज बसेको बैठकले जनपद प्रहरी समूहतर्फका ११ एसपीलाई एसएसपीमा बढुवा सिफारिस गरेको हो।
बढुवा सिफारिसमा परेका अधिकृतहरूमा तुलबहादुर कार्की, राकेश सिंह, कमल थापा, दयानिधी ज्ञवाली, दीपक पोखरेल, प्रवीण धिताल, राजीव बस्नेत, दीपेन्द्र शाही, प्रकाश रानाभाट, केदार खनाल र ज्ञानेन्द्र प्रसाद फुयाल रहेका छन्।
उनीहरूलाई प्रहरी नियमावली, २०७१ को नियम २७ को उपनियम ४ अनुसार बढुवा सिफारिस गरिएको हो। सो जानकारी बढुवा समितिका सदस्य–सचिव एवं प्रहरी अतिरिक्त महानिरीक्षक एआईजी दानबहादुर कार्कीले दिएका छन ।
