इन्द्रेणीपोष्ट
विराटनगर । नेपाली कांँग्रेसको १४औं महाधिवेशन अन्तर्गत प्रदेश नं १ को गणना अझै सुरु हुन सकेको छैन । आइतबार सम्पन्न निर्वाचनको मतगणना बिहान ८ बजे शुरु गर्ने तयारी थियो ।
तर, आचारसंहिता निर्माण र उमेदवारका प्रतिनिधि छनोट गर्ने विषयमा केही विलम्ब भएको निर्वाचन समितिले जनाएको छ ।
निर्वाचनको मतगणना स्थल मोरङ कांग्रेस पार्टी कार्यालयमा उमेदवार, प्रतिनिधि र कार्यकर्ताको भिड लागेको छ । आइतबार सम्पन्न निर्वाचनमा एक हजार ७५२ मत खसेको थियो ।
निर्वाचनमा पौडेल–कोइराला र संस्थापन पक्ष प्यानल बनाएर चुनावी मैदानमा छन् ।
