इन्द्रेणीपोष्ट
महेन्द्रनगर । प्रधानमन्त्री एवम् नेपाली कांग्रेसका सभापति शेरबहादुर देउवाको गृह प्रदेश सुदूरपश्चिममा देउवानिकट वीरबहादुर बलायर सभापतिमा निर्वाचित भएका छन् ।
भर्खरै सम्पन्न मतगणनाअनुसार सभापतिमा ६८८ मत ल्याएर बलायर विजयी भएको निर्वाचन अधिकृत गंगाराम पाण्डेयले जानकारी दिए ।
सभापतिमा बलायरका निकटतम प्रतिद्वन्द्वी पौडेल समूहका नारायणदत्त मिश्रले २८० मत मात्रै प्राप्त गरेका छन् । पूर्वमन्त्री बलायरले मिश्रलाई ४ सय ८ मतले पराजित गरेका छन् ।
मत गणनाको परिणामअनुसार बलायरले ८ सय ८९ मत पाउँदा मिश्रले २ सय ८० मत ल्याएका छन् । सुदूरपश्चिममा १ हजार ३ मत खसेको थियो । सुदूरपश्चिममा संस्थापनले पदाधिकारीमा इतर समूहलाई ‘क्लिन स्वीप’ गरेको छ ।
