इन्द्रेणीपोष्ट
काठमाडौं । नेपाली काँग्रेसले १४औं महाधिवेशन उद्घाटनका अघिल्लो दिन केन्द्रीय कार्यसमितिको बैठक बोलाएको छ । पार्टी केन्द्रीय कार्यालय सानेपामा बिहीबार साढे ११ बजे बस्ने गरि बैठक बोलाइएको मुख्यसचिव कृष्णप्रसाद पौडेलले बताएका छन् ।
बैठकमा सहमहामन्त्री थप गर्नेबारे प्रस्ताव आउन सक्ने सभापति शेरबहादुर देउवा निकट नेताहरुले बताएका छन् । पदाधिकारीमा आकांक्षीहरु धेरै भएको र नेताहरुको पद व्यवस्थापन गर्नका लागि सहमहामन्त्रीमा कम्तिमा दुई जना थप गरेनबारे प्रस्ताव आउन सक्ने नेताहरुले बताएका छन् ।
पदाधिकारी र केन्द्रीय सदस्य थप्ने प्रस्ताव केन्द्रीय समितिको आजको बैठकमाआउन सक्छ। शीर्ष नेताहरु बीचमा कुरा हुन् पाएको त छैन । तर, प्रस्ताव आउनसक्छु देउवा पक्षीय एक नेताले भने । संस्थापन इतरपक्षले भने सभापतिबाट त्यस्तो प्रस्ताव आए प्रतिवाद गरिने जनाएको छ । केन्द्रीय समितिमा उक्त प्रस्ताव आए, प्रतिवाद गरिन्छ इतरपक्षका नेता अर्जुन नरसिंह केसीले भने ।
काँग्रेसमा आठ जना सहमहामन्त्रीको व्यवस्था रहेको भएपनि खुलातर्फ एक जना पनि नभएकाले दुई जना खुलातर्फ सहमहामन्त्री थप गर्न प्रस्ताव गर्ने तयारी गरिएको छ ।
