इन्द्रेणीपोष्ट
काठमाडौं । नेपाली काँग्रेसका सभापति शेरबहादुर देउवाले १४औँ महाधिवेशनमा पराजित सभापति, उपसभापति, महामन्त्री लगायतलाई केन्द्रीय सदस्यमा मनोनीत गरेका छन् ।
देउवाले रामचन्द्र पौडेल, सभापतिमा पराजित प्रकाशमान सिंहलाई केन्द्रीय सदस्यमा मनोनीत गरेका छन् ।
यसैगरी उनले विमलेन्द्र निधि, विजयकुमार गच्छदार, कृष्णप्रसाद सिटौला, प्रकाशशरण महत, नारायण खड्का, उमा रेग्मी, सुजाता कोइराला र मीनबहादुर विश्वकर्मालाई केन्द्रीय सदस्यमा मनोनीत गरेका हुन् ।
काँग्रेसको विधान, २०१७ (संशोधन सहित)को धारा २१ को उपधारा (१०) बमोजिम उनीहरूलाई मनोनीत गरिएको मुख्य सचिव कृष्णप्रसाद पौडेलद्वारा विज्ञप्तिमा उल्लेख छ ।
