इन्द्रेणीपोष्ट
काठमाडौं । नेपाली काँग्रेसले बाँकी १६ जिल्लामा अधिवेशन गर्ने मिति फेरि सारेको छ ।
यसअघि यही पुस २७ गते ती १६ जिल्लामा जिल्ला अधिवेशन गर्ने भनिएको थियो । तर आज बुधबार बिहान बसेको काँग्रेसको केन्द्रीय निर्वाचन समितिको बैठकले यसको मिति माघ १५ गतेलाई सार्ने निर्णय गरेको हो ।
निर्वाचन समितिका सचिव केशव रिजालका अनुसार राष्ट्रिय सभा सदस्य निर्वाचनपछि मात्रै जिल्ला अधिवेशन गर्ने निर्णय गरिएको हो ।
राष्ट्रिय सभा सदस्य निर्वाचन माघ १६ गते हुँदै छ ।
१४औं राष्ट्रिय महाधिवेशन गरिसकेको कांग्रेसले कैलाली, अछाम, बाँके, चितवन, नवलपुर, सप्तरी, सिरहा, धनुषा, महोत्तरी, सर्लाही, रौतहट, बारा, पर्सा, सिन्धुली, मकवानपुर र सिन्धुपाल्चोकमा जिल्ला अधिवेशन गर्न बाँकी छ ।
