इन्द्रेणीपोष्ट
काठमाडौं । नेपाली काँग्रेसका सभापति एवं प्रधानमन्त्री शेरबहादुर देउवाले पार्टीको केन्द्रीय समितिको बैठक डाकेका छन् । कोरोना संक्रमणका कारण बैठक भर्चुअल रुपमा बस्ने कांग्रेसले जनाएको छ ।
शुक्रवार ३ बजेका लागि बोलाइएको बैठकमा केन्द्रीय कार्यसम्पादन समिति गठनलाई एजेन्डा बनाइएको छ । बैठकमा आउँदो निर्वाचनबारे पनि छलफल हुने बताइएको छ ।
स्थानीय तहको निर्वाचन वैशाखमै हुनुपर्ने भए पनि सरकारले अहिलेसम्म निर्वाचनको मिति तोक्न सकेको छैन । निर्वाचन आयोगले निर्वाचनको मिति छिटो तोक्न सरकारलाई ताकेता गरिरहेको छ । तर सत्ता गठबन्धन तीनै तहको निर्वाचन एकैसाथ गर्ने कि भनेर अलमलमा परेको छ ।
संविधान र स्थानीय तह निर्वाचन एन २०७३ बाझिएको भन्दै सत्तारुढ दलका नेताहरुले कानुन व्यवसायीहरुसँग सुझावसमेत लिएका थिए । यसैबारेमा कांग्रेस केन्द्रीय समितिमा छलफल हुने बताइएको छ ।
