इन्द्रेणीपोष्ट
काठमाडौं । नेपालमा पछिल्लो २४ घण्टाभित्र दुई हजार ५२६ जना कोरोना संक्रमित थपिएका छन् ।
मन्त्रालयले देशभरका ल्याबमा आरटी पीसीआर विधिबाट ६६ सय ५५ नमुना परीक्षण गरेको थियो । त्यस्तै एन्टिजेन विधिबाट ४४ सय १८ परीक्षण भएको थियो ।
स्वास्थ्य तथा जनसंख्या मन्त्रालयका अनुसार यही अवधिमा १६ जनाले ज्यान गुमाएका छन् ।
मन्त्रालयका अनुसार शुक्रबार आरटी पीसीआर विधिबाट १६ सय २ जना र एन्टिजेन विधिबाट ९२४ जनामा कोरोना पुष्टि भएको हो ।
यही अवधिमा थप ८ हजार ४२५ जना कोरोना संक्रमणबाट मुक्त भएका छन् । हाल नेपालमा ५६ हजार ४५७ जना सक्रिय संक्रमित रहेका छन् ।
