इन्द्रेणीपोष्ट
काठमाडौं । कोशी प्रदेशका मुख्यमन्त्री केदार कार्कीले विश्वासको मत लिने भएका छन् ।
आज (बुधबार) बिहान ११ बजेका लागि बोलाइएको बैठकमा मुख्यमन्त्री कार्कीले विश्वासको मत लिने कार्यसूची छ ।
कार्कीले केही दिनअघि विश्वासको मत लिने प्रयोजनका लागि प्रदेशसभा बैठक आह्वान गरेका थिए । उक्त बैठकले कात्तिक १ मा विश्वासको मत लिने निर्णय गरेको थियो ।
सोही निर्णयअनुसार आज मुख्यमन्त्री कार्कीले विश्वासको मत लिँदैछन् । उनलाई जसपा र राप्रपा बाहेकका सबै दलले मत दिने भएका छन् ।
मुख्यमन्त्री कार्कीले आइतबार पद तथा गोपनीयताको शपथ लिएका थिए । संविधानको धारा १६८ को उपधारा ५ अनुसार एमालेका ३९ र कांग्रेसका ८ जना सांसदको समर्थनमा कार्की मुख्यमन्त्री नियुक्त भएका थिए ।
