इन्द्रेणीपोष्ट
भक्तपुर । भक्तपुरमा रहेको सहिद धर्मभक्त राष्ट्रिय प्रत्यारोपण केन्द्रमा उपचाररत एक महिलालाई ज्वाइँले कलेजो दान गरेका छन् ।
६५ वर्षीया सासू लक्ष्मीदेवी श्रेष्ठलाई उनका ४५ वर्षीय ज्वाइँ श्रीकृष्ण मानन्धरले कलेजो दान गरेका हुन् ।
गएको सोमबार मानन्धरले आफ्नी सासु लक्ष्मीदेवीलाई कलेजो दान गरेका सहिद धर्मभक्त राष्ट्रिय प्रत्यारोपण केन्द्रका कार्यकारी निर्देशक तथा कलेजो प्रत्यारोपणविज्ञ डा.पुकारचन्द्र श्रेष्ठले जानकारी दिए ।
नेपालमा भएका अंगदानमध्ये ९० प्रतिशत महिलाले पुरुषलाई अंगदान गरेका त्यो क्षेत्रका विज्ञहरुले बताएका छन् ।
झन् ज्वाइँले नै सासूलाई कलेजो दान गर्नु दुर्लभ घटना भएको चिकित्सकहरुले बताएका छन् ।
सहिद धर्मभक्त राष्ट्रिय प्रत्यारोपण केन्द्रले नेपालमै पहिलो पटक २०७३ सालमा कलेजो प्रत्यारोपण सुरु गरेको थियो ।
