इन्द्रेणीपोष्ट
काठमाडाैं । मन्त्रिपरिषदलाई पूर्णता दिने विषयमा सत्तारुढ दलका शीर्ष नेताहरुको बैठक बसेकाे छ ।
प्रधानमन्त्री निवास बालुवाटारमा बैठक बसेकाे र त्यसले मन्त्रालयको भागवण्डाबारे निर्णय गर्ने प्रधानमन्त्री शेरबहादुर देउवा सचिवालय स्रोतले जनाएको छ । प्रधानमन्त्री देउवाले सोमबार छिट्टै मन्त्रिमण्डलले पूर्णता पाउने घोषणा गरेका थिए । अहिले कांग्रेस र माओवादी केन्द्रबाट ५ जना सरकारमा छन् ।
त्यसबाहेक देउवालाई प्रधानमन्त्री बनाउन सहयोग गर्ने जनता समाजवादी पार्टी (जसपा), एकीकृत समाजवादी पार्टीबाट पनि सरकारमा सहभागी गराएर मन्त्रिमण्डल विस्तार गरिन लागेको हो । एकीकृत समाजवादी पार्टीका अध्यक्ष माधव नेपालसहित १४ सांसदविरुद्ध एमालेले हालेको रिटमाथि फैसला आउन समय लाग्ने भएपछि सरकारलाई पूर्णता दिएर जान लागिएको स्रोतले जनायो ।
