इन्द्रेणीपोष्ट
काठमाडौं । जंगलको डढेलोले घर जलेपछि रामेछापमा एक युवती बेपत्ता भएकी छन् ।
बिहीबार साँझ जंगलमा लागेको डढेलो मानव बस्तिमा फैलिएपछि रामेछाप नगरपालिका-८ चौकिटारका टेकमान तामाङकी छोरी ३२ वर्षीया रमिता तामाङ बेपत्ता भएकी जिल्ला प्रहरी कार्यालय रामेछापका प्रहरी निरीक्षक रञ्जन गिरीले जानकारी दिए ।
नजिकैको वनबाट आएको आगोले तामाङका दुईवटा घर तथा दुईवटा गोठ जलेर नष्ट हुनुका साथै ४८ वटा बाख्रा पनि मरेका छन् ।
आगालागीमा ३५ हजार नगद जल्नुका साथै एक हल गोरु घाइते भएका प्रहरीले जनाएकाे छ । बेपत्ता युवतीका अभिभावकका अनुसार रमिता सुस्त मनस्थितिकी थिइन् ।
