इन्द्रेणीपोष्ट
काठमाडौं । इंग्ल्यान्ड भ्रमणमा रहेको नेपाली फुटबल टिमले अभ्यास खेलमा ब्रिटिस आर्मीसँग गोलरहित बराबरीमा खेलेको छ ।
गएराति एल्डरसटस्थित मिलिटरी स्टेडियममा भएको खेलमा नेपाल ब्रिटिस आर्मीसँग गोलरहित बराबरीमा रोकिएको हो । खेलमा नेपाली टिम हाबी देखिए पनि गोल भने गर्न सकेन ।
नेपालले ६ मेमा अब इंग्ल्यान्ड 'सी' सँग प्रतिस्पर्धा गर्नेछ । नेपाल र इंग्ल्यान्ड 'सी' बीचको खेल एल्डरसट टाउनको इबीबी स्टेडियममा हुनेछ ।
इंग्ल्यान्ड 'सी' राष्ट्रिय टोलीकै मान्यता प्राप्त टिम हो । नेपाल इंग्ल्यान्ड 'सी' सँग मैत्रीपूर्ण खेलका लागि बेलायत पुगेको हो ।
