इन्द्रेणीपोष्ट
काठमाडौं । सरकारले बिहीबार बस्ने संघीय संसद्को संयुक्त बैठकमा आगामी आर्थिक वर्षको बजेट प्रस्तुत गर्ने भएको छ । अर्थमन्त्री विष्णु पौडेलले भोलि बस्ने बैठकमा ३ बजे आगामी आर्थिक वर्ष २०८२र०८३ को लागि बजेट प्रस्तुत गर्नेछन् ।
भिजिट भिसा प्रकरणमा गृहमन्त्रीको राजीनामा माग्दै मंगलबारदेखि सदन अवरुद्ध गरेका विपक्षी दलहरूले बजेट ल्याउन भने दिने भएका छन् ।
प्रतिनिधिसभामा बजेटअघि पेश गर्नुपर्ने चालु आर्थिक वर्ष २०८१र०८२ को आर्थिक सर्वेक्षण पनि बिहीबार नै संसद्मा प्रस्तुत हुनेछ । यस्तै, बजेट प्रस्तुत गर्नुअघि सार्वजनिक संस्थानको वार्षिक समीक्षा प्रतिवेदन पनि प्रस्तुत हुनेछ । प्रतिनिधिसभाको मंगलबारको बैठकमा सरकारले आर्थिक सर्वेक्षण प्रस्तुत गर्न खोजेको थियो । तर, प्रतिपक्ष दलहरूले मंगलबार र बुधबार संसद् अवरुद्ध गरेकाले आर्थिक सर्वेक्षण पेश हुन सकेको छैन ।
संघीय संसद् सचिवालयले भोलि दिउँसो १ः४५ बजे संघीय संसद्को संयुक्त बैठक आह्वान गरेको छ ।
