इन्द्रेणीपोष्ट
तेह्रथुम, १७ साउन – सङ्खुवासभाको धर्मदेवी नगरपालिका–९ मुलगाउँबाट झापाको दमकतर्फ जाँदै गरेको बस दुर्घटना हुँदा १४ जना यात्रु घाइते भएका छन् । दुर्घटना लालीगुराँस नगरपालिका–१ स्थित देउराली घुम्तीमा भएको हो, जहाँ बा २ प ७२४४ नम्बरको बस करिब १० मिटर तल खसेको थियो ।
जिल्ला प्रहरी कार्यालय तेह्रथुमका प्रहरी नायब उपरीक्षक लीलाराज लामिछानेका अनुसार घाइतेमध्ये एक जनाको अवस्था गम्भीर रहेको छ । गम्भीर घाइते भएका धर्मदेवी–९ का २३ वर्षीय सविन विष्टलाई थप उपचारका लागि बिपी कोइराला स्वास्थ्य विज्ञान प्रतिष्ठान धरान पठाइएको छ भने अन्य घाइतेहरूको बसन्तपुर अस्पतालमा उपचार भइरहेको छ ।
घाइते हुनेमा बालबालिकादेखि वृद्धसमेत रहेका छन् । दुर्घटनापछि बस चालक खेम महत फरार भएको प्रहरीको भनाइ छ । हाल दुर्घटनाबारे थप अनुसन्धान भइरहेको छ ।
आइतबार, साउन १८ गते २०८२
Aug 03 2025 Sunday
