इन्द्रेणीपोष्ट
मुस्ताङ, १७ साउन – परम्परागत स्याउखेतीको तुलनामा गुणस्तरीय र छिटो उत्पादन हुने ‘हाइब्रिड’ स्याउखेतीतर्फ मुस्ताङका कृषकको आकर्षण तीव्र रूपमा बढेको छ ।
इटालीबाट आयात गरिएको उच्च घनत्व प्रविधिमा आधारित हाइब्रिड जातका स्याउबिरुवाले दोब्बर उत्पादन दिन थालेपछि स्थानीय कृषकहरू परम्परागत जात छोडेर हाइब्रिड खेतीतर्फ उन्मुख भएका हुन् ।
मनाङ एग्रो कम्पनीले २०७५ सालमा सुरु गरेको परीक्षण सफल भएपछि अहिले मुस्ताङका पाँचवटै स्थानीय तहमा बाँझो जमिन, तटीय ग्रेगान बगर र उच्चलेक क्षेत्रमा स्याउका बिरुवा रोपिँदै छन् ।
कृषि ज्ञान केन्द्रका अनुसार गतवर्षसम्म ८९० हेक्टर क्षेत्रमा बिरुवा लगाइए पनि यो वर्ष रोपाइँको क्षेत्र थपिएको छ । थोरै जमिनमा धेरै बिरुवा रोप्न मिल्ने, छिटो फल दिने र एउटै बोटबाट ३० किलोसम्म स्याउ उत्पादन हुने भएकाले किसान हाइब्रिड प्रविधितर्फ आकर्षित भएका हुन् ।
आइतबार, साउन १८ गते २०८२
Aug 03 2025 Sunday
