इन्द्रेणीपोष्ट
नवलपुर, १३ साउनः नवलपरासी बर्दघाट–सुस्तापूर्व र चितवन जोड्ने नारायणी नदीमाथिको पुलबाट हामफालेर आज दुई जना बेपत्ता भएका छन् । एक जना किशोर बिहानै हामफालेका थिए भने अर्को घटना साँझपख भएको हो ।
इलाका प्रहरी कार्यालय गैँडाकोटकी प्रमुख प्रहरी निरीक्षक कमला नरालका अनुसार साँझ करिब ७ः४५ बजेतिर करिब ४२ वर्षीया महिला पुलबाट हामफालेकी थिइन्। “साँझ अँध्यारो भइसकेकाले खोजीमा कठिनाइ भइरहेको छ,” उनले भनिन् ।
यसअघि बिहान पुलबाट हामफालेका व्यक्ति गैँडाकोट–५ का १५ वर्षीय आदेश श्रेष्ठ भएको खुलेको छ । तर, उनको अवस्था अझै अज्ञात रहेको प्रहरी निरीक्षक नरालले बताएकी छिन् । महिलाको भने परिचय नखुलेको बताइएको छ ।
घटनापछि दुवैको खोजी कार्यमा स्थानीयवासी, सशस्त्र प्रहरी तथा नेपाल प्रहरी परिचालित छन् । नदीको वहाव तीव्र भएकाले उद्दारमा कठिनाइ भइरहेको जनाइएको छ ।
आइतबार, साउन १८ गते २०८२
Aug 03 2025 Sunday
