इन्द्रेणीपोष्ट
काठमाडौं । सत्तारुढ नेपाली काँग्रेसका नेता प्रकाशमान सिंह र नेकपा महासचिव नेत्रविक्रम चन्द (विप्लव)बीच बुधबार भेटवार्ता भएको छ । सिंहलाई भेट्न चन्द बुधबार दिउँसो उनको निवास चाक्सीबारी पुगेका हुन् ।
दुई नेताबीचको भेटमा मुलुकको पछिल्लो समसामयिक राजनीतिक अवस्थाबारे छलफल भएको नेता सिंहका स्वकीय सचिव यूपी लामिछानेले जानकारी दिए ।
उनका अनुसार भेटमा केपी शर्मा ओली नेतृत्वको सरकार र विप्लव नेतृत्वको नेकपाबीच २०७७ फागुन २० गते भएको तीन बुँदे सहमतिबारे पनि छलफल भएको छ ।
केही दिनअघि नेकपाका प्रवक्ता खड्ग विश्वकर्मा (‘प्रकाण्ड)ले प्रधानमन्त्री शेरबहादुर देउवासँग भेट गरेर तीन बुँदे सहमति कार्यान्वयनमा जोड दिएका थिए ।
