इन्द्रेणीपोष्ट
काठमाडौं । माधवकुमार नेपाल नेतृत्वको एकीकृत समाजवादी पार्टीले पाउने चार मन्त्रालयको टुंगो लागेको छ ।
एकीकृत समाजवादीले स्वास्थ्य तथा जनसंख्या, श्रम तथा रोजगार, संस्कृति पर्यटन तथा नागरिक उड्डयन र सहरी विकास मन्त्रालय पाउने भएको हो ।
पार्टीको स्थायी कमिटी बैठकपछि प्रवक्ता जगन्नाथ खतिवडाले अहिलेसम्म यी चार मन्त्रालयको टुंगो भएको जानकारी दिएका छन् ।
हामीले अहिलेसम्म चारवटा मन्त्रालय पाउने पक्का भएको छ । जसमा हामी चार मन्त्री र एक राज्यमन्त्री पठाउने छौँ, उनले भने, मन्त्रीहरुको निर्णय भने शुक्रबार बस्ने केन्द्रीय सचिवालयले गर्नेछ ।
